செய்முறை பதிவேடு எழுதாத, 10ம் வகுப்பு மாணவனை, பிரம்பால் சரமாரியாக தாக்கிய ஆசிரியர், 'சஸ்பெண்ட்'

மாணவரை சரமாரியாக தாக்கிய ஆசிரியர் சஸ்பெண்ட் புதுக்கோட்டை: அரசு உதவி பெறும் பள்ளியில், செய்முறை பதிவேடு எழுதாத, 10ம் வகுப்பு மாணவனை, பிரம்பால் சரமாரியாக தாக்கிய, ஆசிரியர், &'சஸ்பெண்ட்&' செய்யப்பட்டார்.புதுக்கோட்டை, துாயமரியன்னை அரசு உதவிபெறும் ஆண்கள் மேல்நிலைப்பள்ளியில் 1,000க்கும் மேற்பட்ட மாணவர்கள் படித்து வருகின்றனர். இங்கு, நஜிபுர் ரகுமான், 15, என்ற மாணவன், 10ம் வகுப்பு படித்து வருகிறார்.நேற்று முன்தினம், ஆசிரியர் அருளானந்தம், 48, செய்முறை பதிவேடு எழுதவில்லை என்பதால், நஜிபுர் ரகுமானை, பிரம்பால் கடுமையாக தாக்கியுள்ளார்.

இதில் மாணவருக்கு, கால் மற்றும் முதுகு பகுதியில், பலத்த காயம் ஏற்பட்டுள்ளது.பள்ளி முடிந்ததும், இது குறித்து, வலி தாங்க முடியாத மாணவர், தன் பெற்றோரிடம் கூறி உள்ளார். காயம் காரணமாக, நஜிபுர் ரகுமான், புதுக்கோட்டை அரசு மருத்துவக்கல்லுாரி மருத்துவமனையில் சிகிச்சைக்கு அனுமதிக்கப்பட்டார். இதுகுறித்த தகவல், சமூக வலை தளங்களில் பரவியது.இது குறித்து விசாரணை நடத்திய, மாவட்ட முதன்மை கல்வி அலுவலர், அருளானந்தத்தை, &'சஸ்பெண்ட்&' செய்து, உத்தரவிட்டார்