பள்ளிகளில் காலை நடைபெறும் இறை வணக்க கூட்டத்தில் மாணவர்களுக்கு டெங்கு விழிப்புணர்வு ஏற்படுத்த இயக்குனர் உத்தரவு

தற்சமயம் மழைக் மழைக்காலம் துவங்க உள்ள நிலையில் மாணவர்களுக்கு டெங்கு பற்றிய விழிப்புணர்வை ஏற்படுத்த பள்ளி கல்வி துறை இயக்குனர் அவர்கள் அறிவுறுத்தி உள்ளார். பள்ளித் தலைமையாசிரியர்கள் பள்ளியில் தூய்மையைப் பேணிப் பாதுகாக்க வேண்டும். பள்ளி வளாகத்தில் நீர்நிலைகள் தேங்காதவாறு பராமரிக்க ஊரக வளர்ச்சித் துறையின் கீழ் செயல்படும் 100 நாள் திட்ட பணியாளர்களை பயன்படுத்திக்கொள்ள அறிவுறுத்தி உள்ளார். மேலும் மாணவர்களுக்கு டெங்கு நோயினால் ஏற்படும் பாதிப்பு மற்றும் டெங்கு எவ்வாறு உருவாகிறது, அதை தடுப்பதற்கான வழிமுறைகள் குறித்து விழிப்புணர்வு ஏற்படுத்த அறிவுறுத்தி உள்ளார்.