பள்ளிக்கு வரும் 19 தேதி முதல் திருப்புதல் தேர்வு கட்டாயம் நடைபெறுமா...? பள்ளி கல்வித்துறை அறிவிப்பு

தமிழ்நாட்டில் அதிகரித்து வரும் டெல்டா மற்றும் ஒமிக்ரான் வகை கொரோனா வைரஸ் பரவல் காரணமாக வரும் 31-ஆம் தேதி வரை இரவு ஊரடங்கு கடைபிடிக்கப்படும் என அரசு அறிவித்துள்ளது.

இந்நிலையில், உயர்கல்வித்துறை வெளியிட்டுள்ள தகவலில், ஊரடங்கு காரணமாக வரும் 31-ஆம் தேதி வரை கல்லூரிகள் மற்றும் பல்கலைக்கழகங்களுக்கு விடுமுறை நீட்டிக்கப்பட்டுள்ளதாக தெரிவிக்கப்பட்டுள்ளது. மேலும், தேர்வுகள் பற்றிய அறிவிப்பு, தேர்வு நடைபெறும் ஒரு வாரம் முன்பு வெளியிடப்படும் என குறிப்பிடப்பட்டுள்ளது.

இந்நிலையில், பள்ளிக்கல்வித்துறை வெளியிட்டுள்ள அறிவிப்பில் 10, 11 மற்றும் 12-ஆம் வகுப்புகளுக்கு வழக்கம் போல பள்ளிகள் செயல்படும் என தெரிவிக்கப்பட்டுள்ளது. 1 முதல் 9-ஆம் வகுப்பு வரை உள்ள மாணவர்களுக்கு ஆன்லைன் வழியாகவும், கல்வித் தொலைக்காட்சி வாயிலாகவும் வகுப்புகள் தொடரும் என கூறப்பட்டுள்ளது. மேலும் 10 மற்றும் 12ம் வகுப்பு மாணவர்களுக்கான முதல் திருப்புதல் தேர்வு வரும் 19ம் தேதி திட்டமிட்டபடி தொடங்கும் என அறிவிப்பு.